Afuvv isminin şərhi

82. Afuvv isminin şərhi:

Günahları silən və günahları keçən (Zat)'dır.

Bu isim, Ğafur isminə yaxındır. (Ancaq), ondan, daha mübaliğəlidir. Çünki:

~ Ğufran: "örtmək"dən;

~ Afuvv isə: "silmək"dən

xəbər verir.

Tənbeh:

Qulun bu isimdən alacağı hissə, gizlənə bilməz (yəni, açıqdır). Bu da, özünə zülm edən hər kəsi əfv etməsi, hətta, ona yaxşılıq etməsidir. (Necə ki), qul, Allah Taala'nın, dünyada, asi və kafirlərə qarşı muhsin (yaxşılıq edən) olduğunu; onları dərhal cəzalandırmadığını; hətta tövbə etmələrilə onları əfv etdiyini görməkdədir. Günahkarlar tövbə etdiklərində, Allah da, onların tövbəsini qəbul edib günahlarını silməkdədir. Çünki, günahından tövbə edən, heç günah işləməmiş kimidir. Bax, cinayətlərin silinməsinin son nöqtəsi, budur.

(əbu Həmid əl-Ğazzali, "əl-Maqsadu'l-Əsna fi şərh-i Əsmaillahi'l-Husna" əsərindən nəql)