Mani isminin şərhi

90. Mani isminin şərhi:

Dini və bədəni xüsuslarda, bunları hifz edici (qoruyucu) səbəbləri yaratmaq surətilə, həlak və nöqsanlıq səbəblərini mən edən (əngəlləyən)'dir.

Hifzin mənası isə, əvvəl keçmişdi.

Hər hifzin, zəruri olaraq mən (əngəlləmə) və dəf etmə (mənası) vardır.

~ Mən (əngəlləmə) - həlak edici səbəbə;

~ Hifz isə - həlakdan qorunmaq istənilən şeyə

izafətlə istifadə edilir ki, mən etməyin (yəni, əngəlləməyin) məqsəd və qayəsi də, budur. Çünki, mən etmək, hifz üçün tələb edilir; hifz isə, mən üçün murad edilməz. Buna görə, hər hafiz, mani (mən edən, əngəlləyən)'dir; ancaq hər mani, hafiz deyildir. Ancaq, bütün həlak və nöqsanlıq səbəblərini mütləq mənada mən edən biri üçün, hifz də, zəruri olaraq hasil olacaqdır.

(əbu Həmid əl-Ğazzali, "əl-Maqsadu'l-Əsna fi şərh-i Əsmaillahi'l-Husna" əsərindən nəql)