Nur isminin şərhi

93. Nur isminin şərhi:

Hər zühurun (zahir olanın), Özü ilə zahir olduğu (Zat)'dır. Özündə zahir olub başqasını da izhar edənə, "Nur" deyilir.

Hər nə vaxt ki, vücud (varlıq) ilə adəm (yoxluq) qarşılaşdırılar (yəni, müqayisə edilər)'sə, qaçılmaz bir şəkildə, zühur, vücuda (yəni, varlığa) aid olar.

Adəm (yoxluq)'dan isə, daha qaranlıq bir zülmət yoxdur. Buna görə, adəm (yoxluq) zülmətindən, hətta yoxluq imkanından bəri olub bütün əşyanı (şeyləri) adəm zülmətindən (yəni, yoxluq qaranlığından) vücud (varlıq) zühuruna çıxaran, "Nur" adlandırılmağa daha layiqdir. Vücud (varlıq), elə bir nurdur ki, bütün əşyaya, Onun Zatının nurundan fışqırar. Beləcə, O, göylərin və yerin nurudur.

Necə ki, günəşin nurundan hər zərrə, münəvvər olan (işıqlandıran) günəşin vücuduna (yəni, varlığına) dəlildir; eynilə bu cür də, göylər, yer və arasında olanlardan hər bir zərrə də, varlığının mümkün olması ilə, Mucid (icad edən)'inin vücudunun (yəni, varlığının) vücubuna (vacib olmasına) dəlildir.

Zahir (isminin) mənası haqqında zikr etdiklərimiz, sənə, Nur isminin də mənasını fəhm etdirər. Və bu ismin mənası haqqında dilə gətirilən təəssuf (zorakı təvillər)'dən səni zəngin qılar.

Not: İmkan, varlıq və ya yoxluğun bərabərliyidir. Mümkin isə, varlığı və ya yoxluğu bərabər olan deməkdir. Allahdan başqa bütün varlıqlar, mümkin varlıqlardır.

(əbu Həmid əl-Ğazzali, "əl-Maqsadu'l-Əsna fi şərh-i Əsmaillahi'l-Husna" əsərindən nəql)

---------------------

---------------------

Əlavələr:

"Allah nurdur." (1):

https://suallarlaislam.com/m%C9%99qal%C9%99/allah-nurdur-sozu-nec%C9%99-...