Vəli isminin şərhi

56. Vəli isminin şərhi:

"Sevən" və "kömək edən" deməkdir. Allahın məvəddət və məhəbbətinin mənası, daha əvvəl keçmişdi. Köməyinin mənası, zahirdir. O:

~ din düşmənlərinə mane olar;

~ övliyasına (vəlilərinə) isə, kömək edər.

Allah (subhənəhu və taala), belə buyurur:

ٱللَّهُ وَلِىُّ ٱلَّذِينَ ءَامَنُوا۟

Allahu vəliyyulləzi əmənu.

Yəni:

"Allah, iman edənlərin vəlisidir." (Bəqərə/257)

ذَ‌ٰلِكَ بِأَنَّ ٱللَّهَ مَوْلَى ٱلَّذِينَ ءَامَنُوا۟ وَأَنَّ ٱلْكَـٰفِرِينَ لَا مَوْلَىٰ لَهُمْ

Zəlikə biənnəllahə məvləlləzinə əmənu və ənnə'l-kəfirinə lə məvlə ləhum.

Yəni:

"Bu, ona görədir ki, Allah möminlərin Mövlasıdır. Kafirlərin isə, heç bir Mövlası yoxdur." (Muhamməd/11)

كَتَبَ ٱللَّهُ لَأَغْلِبَنَّ أَنَا۠ وَرُسُلِىٓ ۚ إِنَّ ٱللَّهَ قَوِىٌّ عَزِيزٌ

"Allah belə yazmışdır: 'Mən və elçilərim, hökmən qalib gələcəyik!' Həqiqətən, Allah, qavi (qüvvətli) və əzizdir."

Tənbeh:

Qullardan vəli olanlar, Allah (azzə və cəllə)'ni və Onun dostlarını (vəlilərini) sevən; ona (yəni, Allahın dininə) və dostlarına kömək; düşmənlərinə isə, düşmənlik edəndir. Onun düşmənlərindən, nəfs və şeytan vardır. Hər kim bunlara tabe olmayıb onları köməksiz buraxar; Allahın əmrini yerinə yetirər; vəlilərilə dostluq edər və düşmənlərinə düşmənlik edərsə, qullar arasında vəli olan, odur.

(əbu Həmid əl-Ğazzali, "əl-Maqsadu'l-Əsna fi şərh-i Əsmaillahi'l-Husna" əsərindən nəql)

-------------------------------

Əlavələr:

Övliya (vəlilər) kimlərdir?

https://suallarlaislam.com/m%C9%99zmun/k%C9%99ram%C9%99t-2