Sabur isminin şərhi
99. Sabur isminin şərhi:
Tələsməyin, hələ vaxtı gəlmədən əvvəl bir feli işləməyə, Özünü sövq edə bilmədiyi (Zat)'dır. Əksinə, işləri, məlum bir ölçüyə görə, (sərhədləri) məhdud bir üsulla icra edər. Təqdir edilmiş əcəlləri (zamanları), -tənbəlin təxir etdiyi/ertələdiyi kimi- təxir etməz. -Tələskənin təqdim etdiyi (iləri keçirdiyi) kimi-, əcəlləri (zamanları) iləri keçirməz. Əksinə, hər şeyi, olması gərəkdiyi cəhətilə, layiq olduğu şəkildə edər. Bunların heç biri də, iradəsinə zidd bir saiq (sövq edən)'in məcbur etməsilə deyildir.
Tənbeh:
Qulun səbrinə gəlincə, (qulun səbri), başqalarının məcbur etmələrindən xali (uzaq, boş) deyildir. Çünki, (insanın) səbrinin mənası, din və ya ağıl saiqinin, şəhvət və ya qəzəb saiqi qarşısında mətanət göstərməsi deməkdir. Əgər bir-birinə zidd 2 saiq qulu cəzb edər (yəni, özünə çəkər), qul da, dərhal işə girişməyi gərəkdirən saiqə qarşı gəlib təxir saiqinə meyl edərsə, ona, "sabur (səbrli)" deyilər. Çünki, (o), tələsmə saiqini məhv etmişdir.
Tələsmə saiqi, Allah (subhənəhu və taala) haqqında, mədum (yox)'dur. (Bundan dolayı), Onun tələsməyə olan uzaqlığı; belə bir saiqi olub ona qalib gələnin tələsməyə olan uzaqlığına nəzərən, daha çoxdur. Və o -saiqlərin tənaquzu (bir-birinə ziddiyyəti) və mücahidə yolu ilə bunlara səbr etməsi (məsələsini) nəzər-i etibardan xaricə çıxardıqdan sonra- bu ismə layiq olan, odur.
(əbu Həmid əl-Ğazzali, "əl-Maqsadu'l-Əsna fi şərh-i Əsmaillahi'l-Husna")
---------------
---------------
Əlavələr:
Səbr etmək:
https://suallarlaislam.com/m%C9%99qal%C9%99/s%C9%99br-etm%C9%99k
https://suallarlaislam.com/m%C9%99qal%C9%99/s%C9%99brli-olmaq
